આવ્યા રે મેઘરાજ આજ આપણે ઘેર આવ્યા…

મિત્રો જય સ્વામિનારાયણ..

આજે મારા એક ફેસબુક ના મિત્રની રચના આપની સામે રાખવા જઈ રહ્યો છુ. હેમાંગભાઈ સવજાણી ની આ રચના અનજાન ના નામથી તે પ્રખ્યાત કરે છે.

તેમની ઈચ્છા અને મારી પણ ઈચ્છાથી આ પોસ્ટ તેમના તરફ થી આપને માટે. આ પોસ્ટ માં ચિત્ર-પ્રતિમા માટે પણ હેમાંગભાઈ નો હુ આભારી છુ.

જય સ્વામિનારાયણ.

આવ્યા રે મેઘરાજ આજ આપણે ઘેર આવ્યા

===========================

આવ્યા રે મેઘરાજ આજ આપણે ઘેર આવ્યા
લાવ્યા રે મેઘરાજ સાથ મંદ  સુવાસ લાવ્યા.

ખીલી  રે મેઘરાજ સુંદર મોરની કળાઓ ખીલી
છેડ્યું  રે મેઘરાજ મધુર કોકિલે ગાન છેડ્યું.

ચાલ્યા રે મેઘરાજ દૂર-દૂર ગગનોમાં ચાલ્યા
લાવ્યા રે મેઘરાજ ચૌદિશ  હરિયાળી લાવ્યા.

જાગ્યા રે મેઘરાજ આળસ મરડી ખેડૂ જાગ્યા
ભાગ્યા રે મેઘરાજ બાળ ખેલવા પાદરે ભાગ્યા.

છલક્યા રે મેઘરાજ આનંદે તળાવો છલક્યા
દોડ્યા રે મેઘરાજ ભરવા પાણી નદીએ દોડ્યા.

ખમક્યા રે મેઘરાજ પુરજોશથી ધોધ ખમક્યા
ચમક્યા રે મેઘરાજ ચમચમ ચમકારા ચમક્યા.

મલકાયા રે મેઘરાજ ખેતરે ઉચા મોલ મલકાયા
જુમ્યા રે મેઘરાજ લોક તો આજ આનંદે જુમ્યા.

ટપક્યા રે મેઘરાજ ટીપ-ટીપ કરતા બુંદો ટપક્યા
ગાયા રે મેઘરાજ કોઈ ‘અનજાને’ મલ્હાર ગાયા.
         

— હેમાંગભાઈ સવજાણી(અનજાન)

આભાર ઃ-હેમાંગભાઈ સવજાણી.
વિકાસ કૈલા ના જય સ્વામિનારાયણ..(મારો સંપર્ક કરો ઃ ૯૫૧૦૬ ૯૫૯૫૦)
બ્લોગ લિંક ઃ- https://vikaskaila.wordpress.com/
Email :- kailavikas@yahoo.co.in

– આપના પ્રતિભાવ અહી જરૂર આપતા જજો….
જય સ્વામિનારાયણ…

આવ્યા રે મેઘરાજ આજ આપણે ઘેર આવ્યા…